Privat seljar i Hovden gjenbruksbutikk

Hovden gjenbruksbutikk 

Hovden gjenbruksbutikk er eit samarbeid mellom Bykle frivilligsentral og Kyrkja i Bykle. Vi brenn for gjenbruk og ønskjer å gjere det enkelt å kjøpe brukt!

Inntektene frå sal av donerte varer går direkte til drifta av butikken, som husleige, straum og andre nødvendige kostnader. Donasjonane dine betyr mykje – tusen takk!

Privat seljar

Vi ønskjer å gi private seljarar moglegheit til å selje varer gjennom gjenbruksbutikken. Samtidig er butikken heilt avhengig av donerte varer for å halde drifta i gang – som husleige, straum og andre kostnader. Vi set stor pris på at du donerer varer! 

Vi ønskjer at alle private seljarar registrerer seg på framsida via nettsida til Bykle frivilligsentral under "jeg kan bidra" og "privat selger i Hovden gjenbruksbutikk". 

Kvifor må eg registrere meg?

• For at vi kan kontakte deg raskt ved spørsmål/viktig informasjon
• For å halde oversikt over seljarar
• For å sikre eit trygt og ryddig system i butikken

Som seljar må du:

• lese gjennom retningslinjene for sal i butikken
• møte i butikken for å signere salavtale før du stiller ut varer
• me tar imot det meste du kan bære under armen, så lenge det er helt, pent og rent
  
  

Salavtavle mellom seljar og gjenbruksbutikk

Ved å signere denne kontrakten stadfestar du at du har lese og godteke dei følgjande villkåra: 

• Som seljar har du registrert deg på bykle.frivilligsentral.no. Du samtykker til å motta informasjon om eventuelle endringer i rutinar eller villkår.
• Alle varer skal være HELE, RENE og PENE - nyvaska når dei kjem i butikk. 
• Seljar prissetjer varer i butikkens opningstid.
• Du sel på eige ansvar. Butikken er ikkje ansvarleg for tap, tyveri, skade eller mistede prislappar. Seljar må prissetje og feste lappar godt. Manglar prislapp, tilfell varen butikken. Butikken kan flytte eller fjerne upassande varer.
• Seljar må ha vipps. Vipps-betaling gjerast til nummeret som står på prislappen. Vi tek imot kontantar, og ved kontantkjøp av dine varer kan det ta nokre dagar før du mottar pengane på konto.
• Det er ikkje tillate å selje store møblar, tobakk, alkohol, våpen, fyrverkeri, kvitevarer, barneseter, redningsvestar, pornografisk materiale eller annet som personalet måtte vurdere upassande eller støytande.
• Det er ingen angrerett/bytterett. 

Ved brot på desse villkåra kan du bli bedt om å hente varene dine og avslutte salet i butikken.  

Kontakt

Har du spørsmål om butikken, kan du kontakte:
📧 kultur@bykle.kommune.no
📞 902 16 856 (mån–fre)

Du er også velkomen til å stikke innom butikken for ein prat med ein av dei hyggelege frivillige som står der.

Opningstider

Torsdag og fredag: 13:00-18:00

Lørdag: 11:00-17:00

Ligger i Fjellgardstun, ved pizzabaker på Hovden.